வான் சிறப்பு
« முன் பக்கம்: கடவுள் வாழ்த்து | திருக்குறள் » பாயிரவியல் » வான் சிறப்பு | அடுத்த பக்கம்: நீத்தார் பெருமை »
- 11. வானின்று உலகம் வழங்கி வருதலால்
- தானமிழ்தம் என்றுணரற் பாற்று.
- உலகத்தை வாழ வைப்பது மழையாக அமைந்திருப்பதால் அதுவே அமிழ்தம் எனப்படுகிறது.
- தானமிழ்தம் என்றுணரற் பாற்று.
- 12. துப்பார்க்குத் துப்பாய துப்பாக்கித் துப்பார்க்குத்
- துப்பாய தூஉம் மழை.
- யாருக்கு உணவுப் பொருள்களை விளைவித்துத்தர மழை பயன்படுகிறதோ, அவர்களுக்கே அந்த மழை அவர்கள் அருந்தும் உணவாகவும் ஆகி அரிய தியாகத்தைச் செய்கிறது.
- துப்பாய தூஉம் மழை.
- 13. விண்இன்று பொய்ப்பின் விரிநீர் வியனுலகத்து
- உள்நின்று உடற்றும் பசி.
- கடல்நீர் சூழ்ந்த உலகமாயினும், மழைநீர் பொய்த்து விட்டால் பசியின் கொடுமை வாட்டி வதைக்கும்.
- உள்நின்று உடற்றும் பசி.
- 14. ஏரின் உழாஅர் உழவர் புயல்என்னும்
- வாரி வளங்குன்றிக் கால்.
- மழை என்னும் வருவாய் வளம் குன்றிவிட்டால், உழவுத் தொழில் குன்றி விடும்.
- வாரி வளங்குன்றிக் கால்.
- 15. கெடுப்பதூஉம் கெட்டார்க்குச் சார்வாய்மற் றாங்கே
- எடுப்பதூஉம் எல்லாம் மழை.
- பெய்யாமல் விடுத்து உயிர்களின் வாழ்வை கெடுக்கக்கூடியதும், பெய்வதன் காரணமாக உயிர்களின் நலிந்த வாழ்வுக்கு வளம் சேர்ப்பதும் மழையே ஆகும்.
- எடுப்பதூஉம் எல்லாம் மழை.
- 16. விசும்பின் துளிவீழின் அல்லால்மற் றாங்கே
- பசும்புல் தலைகாண்பு அரிது.
- விண்ணிலிருந்து மழைத்துளி விழுந்தாலன்றி மண்ணில் பசும்புல் தலை காண்பது அரிதான ஒன்றாகும்.
- பசும்புல் தலைகாண்பு அரிது.
- 17. நெடுங்கடலும் தன்நீர்மை குன்றும் தடிந்தெழிலி
- தான்நல்கா தாகி விடின்.
- ஆவியான கடல்நீர் மேகமாகி அந்தக் கடலில் மழையாகப் பெய்தால் தான் கடல் கூட வற்றாமல் இருக்கும்.
- தான்நல்கா தாகி விடின்.
- 18. சிறப்பொடு பூசனை செல்லாது வானம்
- வறக்குமேல் வானோர்க்கும் ஈண்டு.
- வானமே பொய்த்து விடும் போது, அதன்பின்னர் அந்த வானத்தில் வாழ்வதாகச் சொல்லப்படுகிறவர்களுக்கு விழாக்கள் ஏது? வழிபாடுதான் ஏது?.
- வறக்குமேல் வானோர்க்கும் ஈண்டு.
- 19. தானம் தவமிரண்டும் தங்கா வியனுலகம்
- வானம் வழங்கா தெனின்.
- இப்பேருலகில் மழை பொய்த்து விடுமானால் அது, பிறர் பொருட்டுச் செய்யும் தானத்திற்கும், தன்பொருட்டு மேற்கொள்ளும் நோன்புக்கும் தடங்கலாகும்.
- வானம் வழங்கா தெனின்.
- 20. நீர்இன்று அமையாது உலகெனின் யார்யார்க்கும்
- வான்இன்று அமையாது ஒழுக்கு.
- உலகில் மழையே இல்லையென்றால் ஒழுக்கமே கெடக்கூடும் என்ற நிலை இருப்பதால், நீரின் இன்றியமையாமையை உணர்ந்து செயல்பட வேண்டும்.
- வான்இன்று அமையாது ஒழுக்கு.
« முன் பக்கம்: கடவுள் வாழ்த்து | பொருளடக்கம் | அடுத்த பக்கம்: நீத்தார் பெருமை »