பொறை உடைமை
திருக்குறள் > இல்லறவியல்
« முன் பக்கம்: அன்புடைமை | திருக்குறள் »
இல்லறவியல் » விருந்தோம்பல் | அடுத்த பக்கம்: இனியவை கூறல் »
- 151. அகழ்வாரைத் தாங்கும் நிலம்போலத் தம்மை
- இகழ்வார்ப் பொறுத்தல் தலை.
- தன்னை தோண்டுபவரைத் தாங்கும் நிலம் போல, நம்மை இகழ்பவரைப் பொறுத்தல் நன்று.
- இகழ்வார்ப் பொறுத்தல் தலை.
- 152. பொறுத்தல் இறப்பினை என்றும் அதனை
- மறத்தல் அதனினும் நன்று.
- தவறைப் பொறுத்தல் நீங்காத புகழ் தரும் என்றாலும், அதனை மறத்தல் அதனிலும் நல்லது.
- மறத்தல் அதனினும் நன்று.
- 153. இன்மையுள் இன்மை விருந்தொரால் வன்மையுள்
- வன்மை மடவார்ப் பொறை.
- விருந்தினரை வரவேற்க இயலாத வறுமை மிகவும் கொடியது; மடமுடையோரின் செயலைப் பொறுத்தல் மிகுந்த வலிமை உடையது
- வன்மை மடவார்ப் பொறை.
- 154. நிறையுடைமை நீங்காமை வேண்டின் பொறையுடைமை
- போற்றி யொழுகப் படும்.
- தான் பெற்ற புகழ் நிலைத்திருக்க நினைப்பவர் பொறுமையை கடை பிடித்தல் வேண்டும்.
- போற்றி யொழுகப் படும்.
- 155. ஒறுத்தாரை ஒன்றாக வையாரே வைப்பர்
- பொறுத்தாரைப் பொன்போற் பொதிந்து.
- தன்னை தண்டித்தவரை வெறுக்காது பொறுத்து அரவணைப்பவரை பொன்னைப் போல் போற்றுவர்.
- பொறுத்தாரைப் பொன்போற் பொதிந்து.
- 156. ஒறுத்தார்க்கு ஒருநாளை இன்பம் பொறுத்தார்க்குப்
- பொன்றுந் துணையும் புகழ்.
- தண்டித்தவருக்கு ஒரு நாள் இன்பம், பொறுத்தவறுக்கு அவர் மறையும் வரை புகழ் நிலைக்கும்.
- பொன்றுந் துணையும் புகழ்.
- 157. திறனல்ல தற்பிறர் செய்யினும் நோநொந்து
- அறனல்ல செய்யாமை நன்று.
- பிறர் நமக்கு தவறிழைப்பினும் அதனால் வெகுண்டு அறன் அல்லாதவற்றை செய்தல் கூடாது
- அறனல்ல செய்யாமை நன்று.
- 158. மிகுதியான் மிக்கவை செய்தாரைத் தாந்தம்
- தகுதியான் வென்று விடல்.
- ஆணவத்தால் தவறிழைப்பவரை, அவற்றைப் பொறுக்கும் தகுதியால் வென்று விடலாம்.
- தகுதியான் வென்று விடல்.
- 159. துறந்தாரின் தூய்மை உடையவர் இறந்தார்வாய்
- இன்னாச்சொல் நோற்கிற் பவர்.
- தன்னை இகழும் சொற்களைப் பொறுத்தோர் துறவிகளை விட தூய்மை உடையவராக கருதப் படுவர்.
- இன்னாச்சொல் நோற்கிற் பவர்.
- 160. உண்ணாது நோற்பார் பெரியர் பிறர்சொல்லும்
- இன்னாச்சொல் நோற்பாரின் பின்.
- உண்ணாமல் நோன்பிருக்கும் பெரியார் ஆயினும், தன்னை இகழ்ந்துரைத்த சொற்களைப் பொறுத்தவருக்கு பின்னால் தான் வரிசைப் படுத்தப் படுவர்.
- இன்னாச்சொல் நோற்பாரின் பின்.